Қылмыс және оқиғалар

ҰҚК Ресейден қару-жарақ жеткізумен айналысқан қылмыстық топ мүшелерін қолға түсірді

05 наурыз, 16:5351
Автор: Elorda Aqparat
Фото: ҚР ҰҚК Фото: ҚР ҰҚК

Қазақстан Республикасының Ұлттық қауіпсіздік комитеті Ақмола облысында Ресейден атыс қаруы мен оқ-дәрілерді жеткізуді ұйымдастыруға қатысы бар этникалық қылмыстық топтың құқыққа қайшы әрекетінің жолын кесті. Бұл туралы Елорда Инфо ҚР ҰҚК баспасөз қызметіне сілтеме жасап хабарлайды.

2020 жылғы 27 ақпанда ҚР ҰҚК «А» арнайы мақсаттағы қызметі мен Полиция департаментінің «Арлан» арнайы бөлімшесінің күштері мен құралдарын тарта отырып, операция жүргізу барысында трансұлттық қылмыстық топқа қатысушылар ұсталды. 

Көпкезеңді жедел зерттеу барысында ұлттық қауіпсіздік органдары қару контрабандасын ұйымдастырушылардан барлығы 11 «Макаров» пистолетін және оларға 1300-ден аса патрон алды.

Сотқа дейінгі тергеп-тексеру жүргізілуде. Ұсталғандар 15 жылға дейін бас бостандығынан айырылуы мүмкін.




Наверх