Билiк және саясат

Нұр-Сұлтанда «Абай әлемі» орталығы бой көтереді

02 қазан, 19:562286
Автор: Elorda Aqparat
Дереккөз: Ақорда сайты Дереккөз: Ақорда сайты

Нұр-Сұлтан қаласында «Абай әлемі» орталығы бой көтереді. Бұл туралы Мемлекет басшысының жеке қабылдауында болған елорда әкімі Алтай Көлгінов мәлімдеді, деп хабарлайды Елорда Инфо

Мемлекет басшысына әлеуметтік әлсіз топтарды қолдау мақсатында ашылған «Жанұя» орталығының жұмысы, енді салынатын иппотерапия және екі бірдей оңалту орталығы жайында баяндалды.

Қазақстан Президентінің үй кезегінде тұрған азаматтарды, оның ішінде аз қамтылған отбасыларды, жұмыс істейтін жастарды тұрғын үймен қамту мақсатында қолжетімді баспана құрылысын арттыру туралы тапсырмасының орындалу барысы жайында есеп берілді.

Елорда әкімі үлескерлік проблемалы құрылыстар жайы, қала шетіндегі ауыл-аймақтарды дамыту мәселесі алдағы 3 жылдық бюджетте қарастырылғанын атап өтіп, қаланы газбен қамту бойынша атқарылып жатқан жұмыстар туралы жеткізді. 

Қаланы абаттандыру бойынша есептен белгілі болғандай, ескі алаңның аумағынан бастап шаһардың екі жағын қосатын жаяу жүргіншілерге ыңғайлы жол төселеді. Жалпы, жаяу жүргіншілерге ыңғайлы 80 шақырым жол төселіп, алдағы 3 жылда 100 шақырымнан аса веложол салынады.

Сумен қамту жұмыстарын жетілдіру үшін атқарылатын шаралар туралы да айтылды.

Қала әкімі шаруашылықпен қатар мегаполистің мәдени өмірі бойынша да жоспарлармен бөлісті. Нұр-Сұлтан қаласында Ұлы Абайдың 175 жылдығына орай «Абай әлемі» орталығы бой көтереді. Сонымен қатар Сәкен Сейфуллин, Бейімбет Майлин және Ілияс Жансүгіровтің 125 жылдық мерейтойларына байланысты қоладан құйылған «Үш арыс» ескерткіші орнатылады.

Қасым-Жомарт Тоқаев қаланы одан әрі дамыту бойынша Алтай Көлгіновке бірқатар нақты тапсырмалар берді.



Еlorda Aqparat Telegram парақшасына жазылыңыз 




Наверх