Қоғам

«Гарант» тұрғын үй кешенін биыл тапсыруды жоспарлап отырмыз – А.Қайсағалиев

11 наурыз, 13:11229
Автор: Elorda Aqparat
Фото А.Қайсағалиевтің Instagram парақшасынан Фото А.Қайсағалиевтің Instagram парақшасынан

«Гарант» тұрғын үй кешенін биыл жазда тапсыру жоспарланып отыр. Бұл туралы қала әкімінің орынбасары А.Қайсағалиев Instagram парақшасында жазды, деп хабарлайды Елорда Инфо.

«Бүгін Ы.Дүкенұлы мен Ш.Уәлиханов көшелерінің қиылысында орналасқан «Гарант» тұрғын үй кешеніндегі құрылыс жұмыстарын пысықтадық. Мұнда 170-ке жуық алданған үлескерлер бар. Бұл тұрғын үй кешенінің құрылысы 2011 жылы басталып, 2015 жылы проблемалық үйлердің санатына кірген болатын. Бұл үйді осы жылы жазда тапсыруды жоспарлап отырмыз», - деп жазды А.Қайсағалиев.  

Бүгінде инженерлік-коммуникациялық желілер тартылып, әрлеу жұмыстары қарқынды жүргізілуде. Жақын арада кешен аумағын абаттандыру жұмыстары басталады.

Фото А.Қайсағалиевтің Instagram парақшасынанФото А.Қайсағалиевтің Instagram парақшасынан

«Президентіміздің тапсырмасына сәйкес алдағы 5 жылда елордалық үлескерлердің мәселесін толық шешу жоспарда бар. Қазір біз осы бағытта Үкіметпен бірге жұмыс істеп жатырмыз», - деді ол.




Наверх